Kategorie: Ogólne

Fajne dziyn dobry wszystkim godomy i pozdrowiomy. Jako Redakcja Slonsky Radio ,chcieli my se z Wami podzielić wspomniyniami ze ostatniego Radiowego Spływu Kajakowego, jaki to mjol miejsce 30 lipca 2022 r. we sobota . Na miejscu zebrali my se już przed godzinom 13:30 , żeby mieli my czas poznać se z nowymi uczestnikami spływu i prziwitac ,tych co już z nami byli pryndzyj . Aż do momyntu jak my wleźli do autobusu (około godz. 14:30 ) kerym to nołs zawiyzli na miejsce spływu , mieli my fajnol pogoda , aż tu nołgle , jak gichło z nieba dyszczym , to choby fto z giskany woda loł . I wjycie co ??? Żołdyn se tego dyszczu niy wystraszoł , wsiedli my do kajakow i popłynyli , no bo przeca z cukru my niy som . Spływ boł bardzo udany , wszyjscy se fajnie bawjyli , choć byli mokszi i lekko zmarzniynci. Po spływie , pod biesiadnom wiatom , jak już se każdy przeblyk we suche kwanty , mieli my czas na wspólne grilowanie i biesiada , ktoroł to trawała do późnych godzin nocnych. Oprócz wosztu i różnego typu napojow , mieli my tysz muzyka , przi któryj my se fajniście bawjyli . Chcieli my bardzo fajnie podziynkowac wszystkym naszym Słuchaczom , kerzi to weźli udział w tym ,, mokrym “ spływie kajakowym. Dziynkujymy tysz za wsparcie finansowe i te piniondze , kere żejscie ciepali do naszyj biksy, kaj to widnioł napis ,, Co by Radio mjało cosik , wciep do biksy jakiś grosik “ . Miło boło spyndzić z Wami ta ostatnioł lipcowoł sobota . Momy nadzieja ,że za rok zajś se trefjymy w jeszcze wjynkszym gronie .